قالت المطربة «نسمة محجوب» أنها بدأت الغناء في صغر سنها بإلتحاقها بكورال المدرسة التي كانت تدرس بها، مشيرة إلى أنها كانت تدرس في مدرسة ألماني.
وتابعت: « لما بدأت أحب أني أدخل في مسابقات المدرسة اللي كانت تقام كل سنة في دولة من دول البحر المتوسط ، قررت أني لازم أبقي محترفة واتعلم اغني صح، فـ اتدربت على ايد د.نيفين علوبة» حسب قولها.
وأشارت «محجوب» خلال لقائها الخاص ببرنامج «معكم منى الشاذلي» المذاع على قناة «CBC»، إلى أنها كانت أول طالبة في الجامعة الأمريكية «AUC» تدرس تخصص «الأداء الموسيقي»، وأضافت: «انا كنت بدرس لوحدي، وماكنش في غيري بيدرس التخصص ده تماما، وكنت بأدي الإمتحانات لوحدي»
وتابعت: «انا ماكنتش محتاجة اني اروح الجامعة، انا ماكنتش بستني الكلاس بتاعي فالجامعة، كنت بتصل بالبروفيسور بتاعي، وكنت ممكن اروحله البيت ويدرسلي المواد هناك، لأني ماكنش في غيري بيدرس التخصص ده».
