أهدى قطاع العلاقات والإعلام بوزارة الداخلية، قصيدة رثاء للعقيد ساطع النعماني، بعنوان وداعاً «ساطع النعماني» للشاعر عبد الله حسن.
وجاء في كلمات القصيدة: «يحكي أن اللي كان موجود معانا راح لجنة بس قبل ما يمشي ساب درس وعلامة، قولوا للنعماني شكراً يا شهيد مليون سلامة، أبني ساطع راح لجنة ، كنت كل ما ابص ليه لما أهداني عنيه، كنت نور ماشي في طريقه كنت ضحكة على شفايفه كنت صبره وصحبته وأمه وصديقه، بس أول مرة زارني بعد رحلة العلاج وطى على أرضي وباسها كان بطل ابني بصحيح ، أبني عمره ما كان جريح ، ده يا دوب شال الوجع عني وقاللي المهم أكون بخير ، زيه زي أخواته اتربى بضمير ،عرفوا قيمتي ، مكنش ليهم إلا سيرتي ، صدقوني كل ليله كان يزورني كان بيطمن عليا كان بيسألني عنيا ، اللي عندك يا اما لسه كويسين كنت أرد وأقول حبيبي ، م العنين دي أنا بيها بعرف بيها ادقق مين اللي جمبي وخاف عليا مين زيك مين اللي شبهك العنين دولا عنيا . شوف بقي لما مصر تبص على بكره بعنيك».
