أكدت عبير أحمد مؤسس اتحاد أمهات مصر للنهوض بالتعليم، أهمية صفحات المدارس على الفيسبوك، في التسهيل على أولياء الأمور وتلقي شكاويهم ومقترحاتهم.
وأضافت عبير، في تصريحات صحفية، أن صفحات المدارس لها دور كبير في تخفيف العبء علي ولي الأمر، عند الاستفسار علي معلومة تخص نجله بدلاً من الذهاب للمدرسة واستغراق الوقت، مستطردة: "ولكن هل جميع صفحات المدارس علي الفيس بوك تتفاعل وتستجيب لأولياء الأمور؟، للأسف عدد كبير منهم لا يتفاعل وتكون الصفحة نوع من الشو ودعاية للمدرسة"، مطالبة جميع المدارس بتفعيل صفحاتها علي وسائل التواصل الإجتماعي للتسهيل علي أولياء الأمور.
وشهدت صفحة اتحاد أمهات مصر للنهوض بالتعليم، علي الفيس بوك، تفاعل أولياء الأمور بين مؤيد ومعارض لاستجابة صفحات مدارس أبنائهم علي الفيس بوك في الرد عليهم، حيث قالت ولي أمر: "لا طبعا صفحة المدرسة الرسمية مش بترد على أولياء الأمور، بدليل إن أولياء الأمور عاملين صفحة لنفسهم بالمجهود الذاتى وبيساعدوا بعض فيها".
وأضافت ولي أمر أخري: "اكيد لا طبعا، بينشروا بس اللي عاوزينه واللي بيتكلم في أي سلبيات المدرسه بلوك ع طول من الصفحة"، وتابعت أخري: "لا مفيش تفاعل، لأن الأدمن أوقات كتير بتكون ليها ولاء للمدرسة ومش بتنزل كل الشكاوي، ودة حصلي قبل كدة في جروب مدرستي".
وفي المقابل، قالت ولي أمر: "أيوة الصفحة مفيدة جدا وكمان بنعرف منها جداول المدرسه ولما بيكون فى شكوى بنعرف مين السبب فى المشكلة"، واستكملت أخري: "مدرستنا ممتازه وفي اهتمام ورد علي جميع استفسارات أولياء الأمور"، وقالت أخري: هى مفيدة وبتفيدنا فى حاجات كتير، وهما أصلا بيبقوا واخدين حذرهم وهما بيردوا علي التعليقات".
