نشر الفنان محمد عادل إمام صورة من حفل زفافه تجمعه بالفنان أحمد صلاح السعدني، موضحاً بها الموقف النبيل الذي فعله السعدني لإنقاذ صديق عمره من ورطة قد تودي بفيلمه الأخير «ليلة هنا وسرور» إلى الفشل أو التأجيل، ولكنه تم عرضه خلال عيد الفطر الماضي وحقق نجاحا كبيرا، ووصلت إيراداته إلى أكثر من 35 مليون جنية.
كتب محمد إمام في تعليقه على الصورة قائلاً :" في فيلم ليلة هنا وسرور كان المفروض في نجم كبير هيقوم بدور أبن عمي "سلطان" .. النجم ده أعتذر في أخر وقت لظروف خاصة به والمشهد كان فعلاً صعب و كان بقٰلنا كتير بنستعد له مع فريق الأكشن اللي جاي من بره ..ده غير أن الديكور كان مبني و كانت هتبقى خسارة جامدة للمنتج لو كنا أجلنا تصوير المشهد".
وأضاف :" المهم كلمت أحمد السعدني و كان لسه خارج اليوم اللي قبلها من المستشفى لأسباب صحية و قولتله "عندي مشكله و محتاجك" .. نص ساعة و لقيته داخل عليا في التصوير .. قعد يتمرن يوم بحاله و هو عيان على مشهد الاكشن اللي هيصوره و تاني يوم قعد حوالي ٢٠ ساعة يصور في المشهد بدون أي مقابل .. السعدني أكبر مثال على "الأخ الجدع" .. ربنا يخليك ليا يا أخويا يا حبيبي".
