«روئة وأبو كمال» قصة حب خيالية لم ولن يفهمها الكثيرون، جسدها الفنان الراحل نور الشريف والفنانة نورا، في فيلم «العار» حيث كانت شخصية "أبو كمال" مثال الرجل الرومانسي لزوجته، وكانت روئة، مثالا لشخصية الزوجة "الفرفوشة" التي تعيش في سلام دون أي متطلبات ليس لها هدف في الحياة غير إسعاد زوجها، ومن هنا بدأت تصبح "روئة وأبو كمال" حلم كل شاب وفتاة.
قررت الفنانة مي حسن، أن تهاجم الإعلامية رضوى الشربيني على طريقتها الخاصة، بنصيحة الفتيات بأن تتقمصن شخصية روئة لزوجها أو حبيبها، ليكون هو لها بنفس شخصية "أبو كمال"، حيث ظهرت في فيديو على صفحتها الرسمية على موقع التواصل الاجتماعي «فيسيوك» قائلة: "الهوجة دي إحنا مش واعيين مدى خطورتها علينا، البنت اللي بتعمل بلوك للرجالة، وبتدخل جروب إحنا بنكره الرجالة، إحنا أساسنا راجل، لولاه مكناش جينا، وكل واحدة فينا في حياتها راجل سواء حبيب أو أب أو أخ أو صديق، بتعتمد عليه".
وأضافت: "أول ما بتعملي حادثة بتروحي لراجل، ولما حد يديكي على قفاكي بتروحي لراجل"، وتابعت: "اللي بنقوله في حق الرجالة عيب، وأنا مقبلش حد يقلل من كرامتي أو قيمتي، وبعدين يا حبيبتي منك ليها بتعملي إيه للراجل علشان تستني منه اللي هو بيعمله، أي راجل محتاج روئة، لو أنتي روئة هيكون أبو كمال، غير كده متزعليش".
وأكملت: "ولا عاوزينا نعمل زي صبا مبارك في مسلسل العهد، ونعمل كفر للنسوان، وفي الآخر تتجوز أحمد العوضي، ولها حق الصراحة"، ونصحت حسن، الفتيات بألا يتبعن نصائح "الشربيني" قائلة: "رضوى يوم ما هتلاقي راجل محترم وابن ناس مش هتقول لأ، خليكي حنينة الراجل هيبقى خاتم في صباعك".
