وليد منصور مهاجمًا محمد رمضان: «أنت مرضان»

وليد منصور وتامر حسني
وليد منصور وتامر حسني

شن المنتج ومنظم الحفلات وليد منصور، هجومًا حادًا علي الفنان محمد رمضان، بعد اتهام الأخير له بتزييف الإيرادات الحقيقة لموسم عيد الأضحى والإعلان عن تصدر فيلمه «البدلة» لشباك التذاكر وليس فيلم «الديزل» الذي يلعب بطولته رمضان.

 

 وكتب «منصور» عبر صفحته الرسمية على «فيس بوك»، يرد فيه على الفنان محمد رمضان، بعدما أرسل الأخير بيانًا للصحفيين يكذب فيه إيرادات فيلم «البدلة»، ويستهزئ من وليد منصور.

 

 وقال المنتج الشهير في رسالته،: «رسالة موجهة من المنتج وليد منصور إلى محمد رمضان، وصلني إنك بتبعت رسائل من تليفونك الشخصي تتهمني فيها بتغيير أرقام الإيرادات، مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين، بس أنت زودتها قوي يا حمادة».

 

وأضاف «منصور»،: «أولًا أنت أسمك لازم كل مصر تغيره لمحمد مرضان، لأنك بتفكرني بالمجانين اللي ماشين في الشارع ومش عايزين يصدقوا إنهم مجانين، فارتاح يا حمادة محدش عاقل هيصدقك، عمرك ما كنت رقم ١ في الإيراد، وعمرك ما كنت أحد نجوم الصف الأول وآنت عارف إن السبب إن فنك هابط يا مرضان وملامحك للأسف متعرفش تعمل غير دور المدمن أو البلطجي أو إرهابي أو حرامي، أنا كان نفسي متكلمش عنك لأنك أصلًا بالنسبالي وبالنسبة لكل الشعب الراقي المحترم أكذوبة، وأنت عارف كويس إن أفلامك طول عمرها بتفشل قدام النجوم المحترمة، زي السقا وعز وتامر وأستاذ عادل إمام، نصيحة يا مرضان روح أتمرن تمثيل بدل ما أنت أداءك واحد في كل أدوارك».

 

وتابع «منصور»،: «يابني أنت طبعًا هتموت عشان مش عارف تشتري فيوز (مشاهدات) زي أغانيك الهابطة، فمفضوح قوي قدام الغلابة اللي مصدقينك اللي بينقرضوا واحد ورا التاني، يا ولا قسمًا بالله لو لقيتك بتهرتل على أي حد تاني هيكون ردي أعنف من كده، وأصلًا أنا لسه مخلصتش ردي، آنت هتموت من الغيظ عشان (البدلة) علّم عليك ولسه هنعلم أكتر وأنت عارف هتتمسخر أزاي الفترة اللي جاية، زي ما إتمسخرت فكل أفلامك اللي فاتت».

 


يذكر أن وليد منصور يشارك في سباق عيد الأضحى بفيلم «البدلة»، بطولة تامر حسني وأكرم حسني وأمينة خليل، ويشارك الفنان محمد رمضان في نفس السباق بفيلم «الديزل»، ويسانده في بطولته فتحي عبد الوهاب وهنا شيحة وياسمين صبري.
 

 

ترشيحاتنا

إصدارات أخبار اليوم