أعلن المطرب الشاب مينا عطا،عبر حسابه الشخصي بموقع "انستجرام"، خطبته مساء اليوم الأربعاء على فتاة من خارج الوسط الفني.
وكتب "عطا"، على صورة تجمعه بخطيبته، قائلا: "فاكرين يوم ما غنيت في ستار أكاديمي أغنية لا تروحي، وكانت أمنيتي إن البنت الوحيدة اللي حبتها في حياتي ترجع لي ونكمل حياتنا سوا!".
وأضاف: "الحمد لله من نعم ربنا عليّ النهاردة اني أقدر أقول إننا رجعنا لبعض واتخطبنا كمان وفرحنا بإذن الله قرب.. أولاً عاوز دعوة حلوة منكم لينا وثانياً هما كلمتين.. لو ليك هدف، أمنية، حلم، امسك فيه بإيديك وسنانك واوعى تقول مستحيل أو مش هيحصل لأن ربنا كبير أوي وعالم بنيتك وحالك وبيديك دايماً اللي أنت محتاجه والمناسب ليك في الوقت المناسب".
واستكمل: "أما بالنسبة للـ11 سنة حب واللي استحملتني كتير ووقفت جنبي زمان كتيير أوي قبل أي شهرة وقبل كل حاجة أيام ما كانت بجد الحياة سودة ومتقفلة في وشي ومش عارف أحقق أي حاجة.. أحب اقول لك لو لفيت الدنيا كلها والله العظيم عمري ما هلاقي زيك وعمري ما حبيت ولا هحب ولا عرفت حب بجد يعني إيه غير معاكي، انتي كل حاجة في حياتي، بحبك".
