إبداعات القراء|«قصيدة كنت هايل»

صورة ارشيفية
صورة ارشيفية

تنشر بوابة أخبار اليوم قصيدة كنت هايل للشاعر محمد ظريف محمد، عضو نادي أدب أسيوط

كنت هايل

زي عنتر وابن نايل

كنت شايف نفسي كامل

كنت عايش جوه نفسي

وسط كم م المشاعر

كنت شاعر

بغزل الحروف عشانها

واعدل المعني اللي مايل

واستغل قربي منها

وارتجل وابعت رسايل

كنت طاير

كنت هايم

قلبي زي الكعب داير

كنت ريح بعتر ورقها

هي كانت حد حاير

كان قالقها قربي منها

كان ماليها خوف ورهبة

كان رعبها

رعب نادر ما يلازمها

بان خجلها

الله عليها

كلمة مني

كلمة منها

قربت بنا المسافة

واختصرنا حاجات كتيره

ف الحقيقة غصب عنها

ميت سؤال كان بيحصرها

ليه عاشقها ؟

وليه غاويها ؟

وليه عايزها تكون حبيبة ؟

والجواب كان شعره بيضة

ايوه بيضة

بين قوسين فوق عنيها

الف منها تحت شالها

خدت بالي هي كانت بتداريها

وتعاتبني لو شافتني

ببص ليها

ببتسامة وضحكة حلوة

ضحكة بتنور عليها

وتفارقنا وتواعدنا

تبقي ليا وابقي ليها

ف تقابلنا الف مرة

وكل مرة أحلى مرة بشوفها فيها

ترشيحاتنا

إصدارات أخبار اليوم