الرئيس‌: «نموت من الجوع ولا تفضل حالتنا متردية»

الرئيس لـ«المصريين‌: «أنتم الأمل.. ولازم نكسر الفقر والتراجع اللي إحنا فيه»
الرئيس لـ«المصريين‌: «أنتم الأمل.. ولازم نكسر الفقر والتراجع اللي إحنا فيه»

قال الرئيس عبدالفتاح السيسي، «إن إجراءات الإصلاح الاقتصادي التي اتخذتها الدولة في الفترة الأخيرة كانت حتمية، وأعلم أن المواطن المصري لديه الوعي الكافي لإدراك أسباب تلك الإجراءات».

 

وأضاف «السيسي»، خلال كلمته في جلسة مبادرة «اسأل الرئيس»، منذ قليل، «إحنا بلد فيها 100 مليون، ونشبه المواطن البسيط اللي عنده 10 أو 12 طفل وطفلة ودخله بسيط، وولاده بيبصوا على جارهم اللي عنده الفيلا والعربية ويقول لهم أنا مش بنام الليل ولو هما أبناء نبلاء هيتحلوا بالصبر».

 

وأشار الرئيس إلى أن الدخل القومي للبلاد لا يتناسب مع ميزان المدفوعات، قائلا: «دخلنا يدوب بنكمله بالسلف تريليون جنيه، وده رقم متواضع جدًا، يا مصريين عايزين تشوفوا شوفوا شكل بلادنا عاملة إزاي والمدارس عاملة إزاي والمستشفيات عاملة إزاي».

 

وأرجع السيسي أحداث الثورة عام 2011 إلى عدم إدارك الشعب لحجم التحديات التي تواجهه الدولة، قائلا: «لما حصلت 2011 بقيت أقول إن أحد أهم أسباب ما حدث هو عدم إدراك الناس بحجم التحديات الموجودة، وكل واحد مهتم أنه يبص من المنظور الذي يميل له، السياسي ينظر للسياسي ورجل الأعمال يدور على مصلحته لكن إحنا عايزين الصورة المكتملة».

 

ووجه رسالة رئيس الجمهورية رسالة إلى المصريين، قائلا: «أنتوا الأمل.. والمصري عنده كرامة وكبرياء وعزة، ووالله لو نموت من الجوع ولا نفضل في حالنا المتردي ده تاني أبدًا.. لازم نكسر الفقر اللي إحنا فيه والضعف والتراجع وبكره تشوفوا».