الأنبا مرقس: ظهور العذراء مريم أيقظ الناس للترانيم والمدائح

الأنبا مرقس: ظهور العذراء مريم أيقظ الناس للترانيم والمدائح
الأنبا مرقس: ظهور العذراء مريم أيقظ الناس للترانيم والمدائح

ألقى الأنبا مرقس، أسقف شبرا الخيمة وتوابعها، كلمته في احتفاليات اليوم الثاني لليوبيل الذهبي لتجلي السيدة العذراء مريم على قباب كنيستها بالزيتون.

 

وجاء نص الكلمة كالآتي:

«بشكر ربنا وبشكر والدة الإله اللي أدتنا فرصة نعمل حجات كثيرة هنتكلم عليها باختصار وبشكر قداسة البابا والأنبا يؤنس والآباء الكهنة والخدام على التنظيم الرائع جدًا ربنا يعوض تعبهم، وهتكلم عن عدة ثمار قليلة حتى نستمع لكلام الأنبا يؤنس الجميل الدسم عن أم النور والدة الإله».

 

أولا: ثمرة الظهور

من أول يوم شفت الموضوع بنفسي كنت في أخر سنة في الجامعة وكنت في افتقاد ومعي بعض الخدام ولقيت أطفال قاعدين على الرصيف وبسألهم بتعملوا ايه؟ قالوا قاعدين منتظرين العذراء تظهر وتاني يوم لقيت عددهم زاد ومش يس أطفال لا وشباب كمان وسألتهم بتعملوا ايه قالوا قاعدين ننتظر العذراء وكنت قرب الامتحانات وبعدها عرفت إنها بتظهر بليل وفعلا يوم روحت انتظرت معاهم ولقيتها ظاهره بين القبب ونورها قوى وبثيابها نور ازرق خفيف والكاميرا اللي صورت زمان مكنش في كاميرات ألوان كانت بينت حلاوة تجليها وظهورها».

 

«كانت بتتحرك كأنها بتبارك الشعب وبتفضل وقت كبير والناس بدئت تزيد لدرجه قفلوا الشوارع وكل واحد كان يجى بدري يحجز له مكان وهى كانت بتظهر من 11 بليل للصبح تقريبًا وكانت الميزة الرائعة في الظهور أن الناس أول ماتروح تقعد تقول ترانيم للعذراء وكل الناس كانت عينهم لا تتحرك من على القبة على القبة وبعدها يبدؤا يسبحوا العذراء من قلبهم وأول ما تظهر نسمع الزغاريد والتصفيف شيء رائع يعنى زي ما قال البابا شنودة في كلمته من عشرة سنوات»

 

«أكثر من 25 ألف شخص كلهم يسبحوا للعذراء مسيحيين ومسلمين بدليل بتوع الجراج اول ناس شافوها وشهدوا بظهورها ومن من أعظم نتائج هذا الظهور أن كل الشعب يتجه لحاجه واحده وهى تكريم والدة الاله القديسة مريم حتى سموا محطة قطر الزيتون "محطة العذراء "، وانتشرت أكثر والدة الاله بظهورها وبكرامتها وبمجدها في العالم كله " آ (لو 1: 48): لأَنَّهُ نَظَرَ إِلَى اتِّضَاعِ أَمَتِهِ. فَهُوَذَا مُنْذُ الآنَ جَمِيعُ الأَجْيَالِ تُطَوِّبُنِي».

 

«ومن ساعة ما اليصابات لما قالت "(لو 1: 43) فَمِنْ أَيْنَ لِي هذَا أَنْ تَأْتِيَ أُمُّ رَبِّي إِلَيَّ؟ "، ولغاية أخر الدهور هيستمر الظهور وظهرت السيدة العذراء لتعلن رسالة حب لمصر ولكل وتقول أنا بحبكم وبحب مصر اللي هربت لها عندما أراد هيردوس قتل الطفل يسوع وهو تعبير على العمل الإنساني الطبيعي لما خافت على ابنها وهربت له ، وكلنا عارفين أن في مسيرة العائلة المقدسة عدت على مصر وظهورها امتع كل الشعب بالبهجة وأعطت الناس فرح أن والدة الإله أتت لهم وقالت "أن معكم وبحبكم».

 

الثمرة الثانية: معجزات الظهور

«معجزات العذراء من قبل الظهور ومستمرة وبعيني شفت شخص بعكازين ورجله ملتويه وضهره منحنى وهو شخص معروف وكنت واقف مع بعض الأصدقاء والخدام على باب الكنيسة وفجأة شفنا الشخص ده فرد ضهره وأيده اتفردت ورجلية الملتوية اتعدلت وقعد يجرى ويلف حوالين الكنيسة وشوفناه بأعيننا لما شفى وفرح وقلوبنا جميعاً وفرحت بمعجزات العذراء ،ومعجزاتها كثيرة لا تنتهى وخروج شياطيين ومعروف ان الصحف ووكالات الانباء العالمية اتكلمت عن الظهور وفرحت أن هناك بكنيسة العذراء الزيتون بمصر ظهرت والدة الاله لتؤكد للعالم انها والده الاله بمصر لتخبر الجميع بقيمة مصر وتبعث برسالة حب للكل العالم ومباركة كل العالم من خلال مصر، "ومن مصر دعوت ابني" وحصل وقت الظهور كان ناس بتيجى من بحري وقالوا لواحد صاحبهم مش مسيحي تعالى معنا نشوف الظهور لكنه رفض وكان يشكوا من أمراض عنيفة جدا وهما شافوا ظهور والدة الإله وهذا اليوم كان هذا الشخص يشكو الأماً مريرة فقال يا عذراء انتى بتشفي المسيحيين بس إحنا بنؤمن بكى برده وفى ساعتها شافته والألم انتهى ولما رجعوا أصدقائه قالهم "انتوا رحتولها لكن هي جاتلى وشافتني" وراح للدكتور قاله مستحيل بلا شك دى معجزة ودي أحدى المعجزات لظهور أمنا العذراء».

 

«وأخيرًا كنت أمس في حوار من خلال التليفون في التلفزيون ومعانا واحد ضيف من كنيسة أخرى قال ظهور العذراء اتعمل بالليزر علشان تطمن الناس بعد النكسه يعنى بتقولهم متزعلوش، فسأله المحاور قاله مفيش في الكتاب المقدس حاجه تدل على التجلى ؟ فقال لا، فقولتله وتجلى موسي وايليا في العهد القديم ده إيه وكمان الليزر لم يكن موجود حينها ولما لقينا عالم اسمة ثيودور مايمان».

 

«سنه 60 بدء يفكر في الليزر وبدء يفكر في استخدامه وفى سنة 90 استخدموه في الطب وسنة2000 استخدموه في طب العيون وأي إشاعة لازم يكون في حائل وحكاية يطمنوا الناس بعد النكسة فهمى كانت 5 يونيو 1967م والعذراء ظهرت بعدها ب 10 شهور ليه تستنى 10 شهور ومين مصلحته ده إذا وجد هذا الجهاز أن برد على الناس اللي بتشكك في ظهور العذراء طيب والملايين اللي شافوها أتخدعوا برده بالجهاز وأستمر سنة وأربع شهور والكثيرين شهدوا للظهور والتسبيح والناس اللي أمنوا على أنها أم الإله حقيقة لا ينكرها أحد».

 

«ظهور العذراء أيقظ الناس للترانيم والمدائح وعن العذراء لتؤكد أية هوذا (لو 1: 48): لأَنَّهُ نَظَرَ إِلَى اتِّضَاعِ أَمَتِهِ. فَهُوَذَا مُنْذُ الآنَ جَمِيعُ الأَجْيَالِ تُطَوِّبُنِي».

 

«لا شك أن كنيستنا الأرثوذكسية تمجد السيدة العذراء وتعظم أم النور وتمجدها وتكرم والده الإله لشخصها السلام لك آيتها الممتلئة نعمة لكي تكون أم الله كانت لبد آنت تكون مملوءة بالنعمة وعن طريقها تم الخلاص لأنها أنجبت مخلص البشرية. كل سنة وانتم طيبين ونحتفل دائما بظهورها ولألهنا المجد الدائم إلى الأبد أمين».