المريض عندنا »خرع»‬ وأعصابه خفيفة وعضمه طري، أول ما يسمع أن المستشفي فيها »‬تعبان» يصوت ويلطم زي الحريم، مفيش حد يعرف إن التعابين عُهدة عند وزارة الصحة، وجربتهم في مستشفي التأمين الصحي بمدينة نصر وفي قصر العيني وأخيراً في مستشفي الرمد بأسيوط، ولأن وزير الصحة واعي وفاهم وعارف ان العيان بيتسلبط وعلشان يكشفه قال نحط في كل مستشفي كام تعبان ومعاهم الرفاعي، ولو العيان جري زي الرهوان يبقي سليم وزي الفل، ولو ماقدرش والتعبان هبشه حيموت، ومحدش بيموت ناقص عمر. لم تعابينك يامعالي الوزير!