وزير التربية والتعليم النحس راكبه والحظ مخاصمه وبعد ما الدنيا اديته وشها قلبت عليه تاني، كل كام يوم تلميذ يموت، وكملت بكارثة أتوبيس البحيرة، الوزير مش بينام وقاعد لا علي بارد ولا علي حامي، وعايز يعرف الدنيا ماشية ليه بالعكس معاه، واحد من رجالته قاله يا باشا محدش قال للناس تودي عيالها المدارس، والتاني قال احنا نعين حانوتي في كل مدرسة ونقسم معاه وزيتنا يبقي في دقيقنا، رد الفتك اللي فيهم وقال يا معالي الوزير أنت معمول لك عمل مش بيعيش لك تلامذة ولازم يتفك، ماتدبح حاجة بأربع رجول حتي لو فرختين.. ربنا ينصرك يا معالي الوزير ويرحمنا من أعمالك!!