الحكومة دمها خفيف وغاوية هزار وفرفشة وتحب تضحك معانا، بس احنا دمنا يلطش ومالناش في الطيب نصيب.. في عز أزمة البوتاجاز والناس بتموِّت بعضها علي انبوبة، خرج علينا وزير التموين خالد حنفي بتصريحات تفطس من الضحك وقال إن الحكومة بتفكر تبيع البوتاجاز بالكيلو وليس بالأنبوبة بنظام النقاط زي منظومة الخبز، يعني المواطن يروح المستودع والبياع يقول له البوتاجاز خلص بس علشان انتي حبيبي شايلك 100 جرام تعملك بيهم شوية شاي وفنجان قهوة يظبطوا دماغك وخدلك ببقية النقاط علب تونة أكلها سهل ومش محتاجة بوتاجاز.. ربنا يحظك يا معالي الوزير!