مساء الخير.. اللي طريقهم اليومي زي حالاتي جزء منه كوبري أكتوبر، يبقي ربنا معاه...طبعا كتير حيردوا عليا ويقولوا ده قبل كوبري أكتوبر كنّا بنعيش معاناه يومية في الزحمة، أنا معاكم فعلا كوبري أكتوبر بكل مراحل انشائه حل أزمة كبيرة للمرور، دي حاجة محدش يقدر ينكرها، لكن احنا ليه دايما بنعمل كل حاجة حلوة ناقصة حتة، ليه لما نعمل حاجة كويسة وهايلة لازم نتبعها بكلمة بس، بس لو كانوا عملوا مكان للعربيات العطلانة.. بس لو كانوا يشغلوا الإشارات اللي علي مطلع الكوبري تقول للناس الكوبري عليه كثافة عربيّات شوف طريق تاني او الكوبري ماشي تمام طريق السلامة ياشربات، اما بقي اللي ملوش حل فهو ازاي يتعمل كوبري بحجم كوبري أكتوبر من غير فواصل، ولما يعملوا فواصل بعد الهنا بسنة تبقي عاملة إزاي
