المواطن قيمته كبيرة عند الحكومة وغلاوته لا تقدر بمال.. لذلك رفعت سعره إلي 60 ألف جنيه بعد حادث غرق مركب الوراق.. يعني عايش متنغنغ وبيدعي للحكومة ليل ونهار ، وميت متبشبش وسايب قرشين للعيال.. لكن في ناس غاوية لت وعجن وكلام فاضي وبتقول ان المواطن في بلاد برة لو اتعور ونزل نقطتين دم بياخد تعويض بالملايين.. وطبعا عندهم حق لأن الضحية مواطن واحد كل كام سنة، لكن احنا عندنا ضحايا الاهمال بالعشرات كل يوم.. ولو الحكومة سابت ايديها معاهم حتفلس وتقف علي باب السيدة تشحت معانا!!