رئيس مجلس الإدارة : ياسر رزق | رئيس التحرير : محمد البهنساوى

القاهرة - الإثنين، 20 نوفمبر 2017 09:11 م

رئيس مجلس الإدارة
ياسر رزق
رئيس التحرير
محمد البهنساوى

سما المصري تفتح النار علي شيرين ..كنتٍ فاكره الكريسماس آيس كريم

  • أحمد السنوسي

  • الثلاثاء، 14 نوفمبر 2017 - 03:18 م

    هاجمت الفنانة الاستعراضية سما المصري، الفنانة شيرين عبد الوهاب، بعد أساءتها لنهر النيل عقب مطالبة أحد جمهورها اللبناني بغناء أغنية "ما شربتش من نيلها" لترد شرين: "هيجيلك بلهارسيا".
    وكتبت سما عبر حسابها علي انستجرام: "إن كنتوا نسيتوا اللي جري، الله يرحم أيام الكحرتة، الأخت الفنانة شيرين في واحدة في حفلة طلبت منها أغنية (ماشربتش من نيلها) فردت عليها وقالت لها (هيجيلك بهارسيا)، اشربي (مياه .... أحسن).

    ونشرت سما صورة لشيرين في بداية مشوارها الفني، قائلة: "دي صورة الأخت الفنانة شيرين أيام ما كان عندها بلهارسيا، أيام ما كانت بتشرب من ميه النيل قبل ما تتعلم انجليزي وتعرف تقول اسم الميه المعدنية بالإنجليزي، اللهم يرحم كنتي زمان، وكنتي فاكره الكريسماس آيس كريم انتي اللي قلتيلي كده فاكره؟".

    وتابعت سما: "بصي أنا مش هقولك مصر اللي عملتك ولا مصر اللي نضفتك زي ناس كتير ماهتقولك كده لا سمح الله، لا أنا هقولك ميه البلهارسيا دي بتاعت مصر، عارفه يعني إيه مصر ولا مش عارفه؟، هي المياه دي اللي خلتك شيرين والعيب مش عليكي العيب علي اللي لسه بيقول عليكي فنانة ونجمة وانتي طايحه في خلق الله، مرة عمرو دياب ومرة شريف مدكور وصوتي لعساف ضد أحمد جمال ابن بلدك".

    وأضافت سما: "بصي يابنتي أنا عارفة إنك بتحبي لبنان عشان ماعندهمش بلهارسيا زينا، ريحينا منك ومن لسانك علي الناس وعلي مصر اللي بقي يقل أدبه حتي علي مصر اللي ربتك وروحي عيشي في لبنان والله هنكسر وراكي زير، بلد البلهارسيا ماتنفعش تعيش فيها واحدة زيك بتاعت مياه معدنية وفساتين براندات وبارفانات وحاجات، سيبي دا للغلابة، فاكره مطعم .... اللي في المنيل اللي نصر محروس أخدك منه وانتي بتغني هناك بالشبشب أبو ورده؟، لسه موجود المطعم ويشهد انك كنتي مش لاقيه حتي تشربي ميه البلهارسيا لا انتي عارفه كنتي بتشربي مياه إيه".

    وتابعت: "أيوه هي المياه الصفرا دي هي دي اللي كنتي بتشربيها اللي كلها أملاح دي، دي فعلا اللي تليق ليكي، ياتروحي لبنان ياترجعي تشربي المياه الصفراء المملحه يا تعتذري لمصر، مصر اللي عملت منك فنانه وتعتذري للمصريين كلهم، ملعون أبو الشهره ياشيخه اللي نستك أصلك وأهلك وبلدك، دا انتي مفيش دم ولا إحساس ولا أي حاجة".

    "مصر بتمسي عليكي بصورتك القديمة دي وبتقولك أوعي تنسي نفسك لأنك لو نسيتي المصريين مابينسوش ، سبحان العاطي الوهاب بعد الشبشب والقبقاب يا بنت عبد الوهاب،  لو مش عاجبك البلهارسيا عشان انتي ماتستحقيش تقعدي في مصر، طبعا الحبيبة هيقولوا لي بصي للبسك الأول، أيوه بلبس كل حاجه وحشه في نظركم بس لا أهين بلدي واللي يهين بلدي أقطع له لسانه حتي لو آه ياليل، ليل أسود ياشيخه عليكي لما تتريقي علي بلدك، اخس علي الفلوس اللي بتغير النفوس".