شاهد| فتاة تنشر فيديو تتهم فيه شاباً باغتصابها .. والأخير يرد: معرفهاش

 هند شجيع عبد الرحمن
هند شجيع عبد الرحمن
في واقعة مثيرة؛ اتهمت فتاة في فيديو مسجل شاب باغتصابها بعد تخديرها، وطالبت الجميع بالوقوف إلى جوارها حتى تأخذ حقها منه، في الوقت الذي رد عليها الشاب أنه لم يقابلها سوى مرة واحدة فقط.


حازت هذه القصة على اهتمام رواد مواقع التواصل الاجتماعي، بعد أن أحدثت فتاة عراقية تعيش في مصر جدلًا كبيرًا بعد نشرها فيديو تروى بها قصة اغتصابها بعد تخديرها من شخص قريب منها، وبثت «هند الشجيع» فيديو مباشراً على موقع "فيسبوك" تسرد فيه قصة تعرضها للاغتصاب، ونشرت على صفحتها صورة زعمت أنها تخص الشخص الذي اعتدى عليها. 


وقالت هند إنها وثقت في شخص تعرفت عليه وأصبحا صديقين وخلال أسبوع دعته إلى زيارة الجمعية وهناك استغل الفرصة ووضع لها مخدرا في الطعام ثم اغتصبها.


وأضافت الشجيع :"ساعدوني آخد حقي من الشخص إللي اغتصبني أرجوكم.. مش عايزه حد يقولي أقابلك في مكان خاص ولا حد يقولي أنا هجبلك حقك ويكون بيقولي بس كلام.. أنا بفكر في الانتحار في كل لحظة ومحدش حاسس بيا ولا الألم الجسدي والنفسي اللي بمر بيه.. أرجوكم ارحموا ضعفي ومتكذبوش عليا لو مش ناويين تساعدوا بلاش تقربوا مني خليكم بعيد بلاش أي كلمة جارحة لأن أي كلمة هسمعها هتأذيني نفسيًا وهتأدي لانتحاري". 


وتابعت هند" أنا عملت الفيديو وظهرت فيه بوجهي واسمي وكل شيء عني لأني معنديش شي أخاف منه ولا أخجل منه، كان ممكن ألبس نقاب وأعمل الفيديو وأخفى هويتي لكن ده كان هيكون تصرف غير أخلاقي منى وغير صريح ودي مش أخلاقي". 


وأثار الفيديو عاصفة من الجدل بين مؤيد ومعارض والمشكك، وقال شخص وصف نفسه بأنه صيدلي إنه يشكك في رواية هند فمن من الصعب علميًا أن يكون خدرها بالطريقة التي وصفتها". وكتبت إحدى صديقات هند تعليقا تقول فيه "أنا أعرف هند من على الفيس وكان سبب المعرفة الموضوع ده ومصدقاها ولو في إيدي حاجه أعملهالها مش هتأخر وكلامي ده للتوضيح عشان محدش يدخل يكلمني خاص ويقعد يقولي فكري بالمنطق ف واحده أتعمل فيها كده وبتنزل فيديوهات وعايشه حياتها عادي"، وتضمن بعض التعليقات هجوما على هند لسردها الواقعة مفادها أنها كان يجب أن "تستر نفسها".


ومن جانبه رد "يحيي" الشخص المتهم في الواقعة عبر حسابه على "فيس بوك" منكرًا كل هذه الاتهامات الموجهة إليه من الفتاة قائلا: "البنت دي أنا معرفهاش على المستوى الشخصي.. وماقبلتهاش غير مرة واحدة وآخر مرة شوفتها من حوالي 3 أشهر.. بناء على طلب منها علشان أساعدها في إنقاذ كلب ومساعدة في "الجمعية الخيرية للكلاب إلى هيا بتدعي إنها بتاعتها". 


وتابع يحيى: "بعدها أنا رفضت أساعدها لأني حسيت إن الفلوس اللي كانت بتاخدها للكلاب ماكنتش بتروح ليهم وكانت بتستغل موضوع الكلاب دا لأغراضها الشخصية، ومش بس كدا لقيتها بتتكلم عن كذا شخص أنا أعرفهم شخصيا وبتتهمهم بالسرقة والنصب وبتقول كلام مش كويس عليهم، فأول لما عرفت إنها بتستغل الناس.. فرفضت مساعدتها وبعدت عنها".


80647_1 63993_4 26 22014925_721881624682840_1585774349_n_1 21984408_721881518016184_267342682_n 22014925_721881624682840_1585774349_n_1 63785_1