نشرت عبد السلام صورة مُجمعة لها على صفحتها الرسمية على موقع التواصل الاجتماعي «انستجرام»، موضحة بها ما حدث لها وهو كالآتي :" أصدمكم اكتر ، لكل حد كتب كومنت على رأسي والله .. أنا بقرأ الأذكار كل يوم مبفوتش فرض وبالسنن وقيام الليل الحمد لله، المعوذات قبل ما انزل.. القرآن والبخور كل يوم، كل يوم والله.. وبحلف، بس والله كدة كتير عليا أنا تعبت".
وأضافت عبد السلام في منشورها :" عمري ما كنت بركز في الحسد بس مؤمنة بيه، مبركزش من كتر ما بتتقالي أنتي محسودة والناس مركزة معاكي بزيادة، أنا؟؟ طب ليه؟؟، يجوا يشوفوا الواقع.. ولا حاجة بتكمل في جميع النواحي الحمد لله.. عمري ما زعلت على شغل راح أو جوازة أو عربية أو صحاب وببقى عارفة ان ده تركيز وناس بتتمنى زوال النعمة منك أعوذ بالله ربنا يديهم أضعاف أضعاف اللي بيفكروا بس فيه.. لكن في شعري الاقيه كدة امبارح فجأة لا.. كدة كتير و فوق طاقتي يا ربى".
وأشارت إلى :" لما الاقي جروبات كتير بتتكلم على شعري ويا ترى ده اكستنشن ولا زفت والا ولا كلمة ما شاء الله أو اللهم بارك كله غل أو يقول ده مش شعرها وأنا أتبرع وأحط صوري وأنا صغيرة عشان أقول لهم دى طيبعة شعر مش طريقة معينة للاهتمام عشان محدش يضحك عليكم بحسن نية للى بيسأله ويحصلي بعدها كدة".
وأوضحت عبد السلام "| فى شعري ٣ مناطق مفيهاش شعراية.. الاقى بوست زى ده معمولى اكتر من ٢٠٠ منشن فيه و على الواتس اب والماسنجر واقرب صحاب ليا زعلانين ويقولولى ربنا يستر عليكي بجد دول عينيهم وحشة هيحصل حاجة، وأنا اكبر واضحك...لا اهه حصل، كدة كفاية والله.. والله كفاية.. مفاضلش غير شوية الرضا وتقبل الدنيا اللى مخليني قادرة أكمل".
وقالت سالي :" أبوس أيدكم بلاش دول كمان.. ده مش هزار ممكن تأذى حد غصب عنك أو نفسك و بتحصل فعلاً لازم تقول ما شاء الله أو اللهم بارك وصفى نيتك، السوشيال ميديا بجد ضيعتنا كلنا، قالك بيكتبوا بوستات انجيلينا وبراد بيت مطلقوش ليه والناس هتحسدك أنتى وهما مجرالهمش حاجة ويهزروا مع بعض كدة أهم اطلقوا!!! ركز في كل حاجة هزرت عليها !! حصلت، أعوذ بكلمات الله التامات من شر ما خلق، أعوذ بكلمات الله التامة من كل شيطان وهامة ومن كل عين لامة".
وأخيراً وجهت عبد السلام رسالة لمتابعيها :"حسبى الله ونعم الوكيل، لا إله إلا الله لا اله إلا أنت سبحانك أني كنت من الظالمين، ومستكترين عليا اعمل هاشتاج msa.. والله ياريتنى كتبت وقلت وبعد كدة هقول في وش أى حد وأحرجه أو حاسد هقوله وربنا لازم يردهالى اللى مبيضيعش عنده حق حد..الحمد لله".
