أمينة تطلب من مي كساب "السماح".. وتكشف سبب غضبها من سعد الصغير
طالبت المطربة أمينة، الفنانة مي كساب أن تسامحها، وكشفت عن أنها غاضبة من الفنان سعد الصغير، وذلك خلال حوارها مع برنامج "اللي مني مزعلني"، علي "نجوم إف إم".
وقالت أمينة: "يمكن أكون مزعلة حد بأني منشغلة طول الوقت، وحتي الواتس آب لا برسل ولا برد علي أي شيء، وهذا يدل علي انشغالي ولكن حبي للناس وتسامحي موجود طول الوقت".
وأضافت: "ممكن أكون مقصرة مع أقربائي ولكن في العادي مش بعرف أزعل حد، وأي حد زعلان مني في ميعاد أو في فرح أو في أي حاجة ياريت ما يزعلش، وأحب أوجه رسالة للفنانة مي كساب وأقول لها متزعليش مني وكنت واثقة إن أوكا وأورتيجا هيطلعوا براءة ويمكن لم أسأل عليك في محنتك، ولكن هذا ليس معناه إن لم أهتم، بالعكس أنا حلمت بهم وقاعدين وكان شحتة موجود ووقلت له أنا سايبة معاك أوكا وأورتيجا ورد قال لي سيتأخرون شوية، طول والوقت كنت علي يقين إن هما راجعين، أنا بحبك وبحب أوكا جدا ومبروك علي البراءة".
وتابعت: "المفروض الناس تقولي زعلانين من إيه لأن أنا صريحة لأبعد الحدود، والعتاب بيمرر أي شيء، ولما بزعل من شخص ما بذهب لزوجي وهو لديه شفافية وينصحني بالصواب دائما والنتائج تكون مبهرة".
وعن سبب غضبها من الفنان سعد الصغير، كشفت: "أنا عصبية فوق العادة، وساعات أعمل رد فعل ثم أندم علي ما فعلته، ولكن سعد الصغير في فترة من الفترات اعترف إنه كان بمشيني من أفلام، وأنا مطربة ومش مطلوب مني أكون ممثلة أغني زي ما أغني، والفترة اللي طلعت فيها كان هو الضوء عليه أكثر وكان يقول لأي شخص إنه هو اللي مطلعني، وكان منتجين يحدثونني ويقولون لي سعد مش عايزك في الفيلم الفلاني، وكل حاجة واجهته بها وبالفعل اعترف لي، وهو نجم في مكانه وخفة دمه وبيعمل فرح وحفلة وأنا من غلوته عندي أنا زعلانة منه والمسامح ربنا، ولا أقدر أحاسبه فهو حسابه عند اللي خلقه".
